Ás veces sorpréndome a min mesma lembrando cousas que creo que non debería lembrar... Poucas veces ocorre iso, a verdade... Pero cando ocorre sinto como a necesidade de voltar a escoitar esas canciñons que tachei de prohibidas, de voltar a ver as poucas fotografías dos dous xuntos... E fágoo... E sen querer un gran sorriso se me escapa e volto a revivir eses momentos que deberían estar esquecidos xa...
Ás veces non consigo durmir porque noto como se a cadea que levabas pendurada no pescozo percorrese o meu corpo mentres me bicas apaixoadamente. E sei que é duro lembrar iso... E sei que me fai dano porque todo iso forma parte do pasado... Pero, ás veces, non podo evitalo.
Ás veces sorpréndome a min mesma esperando por unha desas chamadas túas os sábados ás tantas de noite... E chámome parva mil e unha veces... O teléfono non vai soar... Esquecerei a túa voz!!
Ás veces dáme rabia todo isto... Porque non ten lóxica... Pero esas veces é imposible razoar conmigo mesma.
Ás veces sorpréndome a min mesma escribíndote verbas e máis verbas nunha folla en branco. Verbas que me saen sen querer... A pesar de que me prometo a min mesma que non o farei máis...
E deseguido me esquezo, intento entreterme... Pero hoxe... Hoxe é unha desas veces que incumplo o prometido tantas veces...
No hay comentarios:
Publicar un comentario